රාවණා යනු කවුද...?
බුදුන් වහන්සේද ‘යක්ඛ’යන පදයෙන් හැදින්විය හැකි බව සංයුක්ත නිකායේ ‘දාතියා සක්ක නමස්සන’සූත‍්‍රයේ දැක්වේ.
නොයෙක් මිසදුටු ගත්
අයෙක් කෙළි නළු රස දත්
පෙර තම තමනු ගත්
රාම සීතා කතා තෙප ලත්
මෙය ගිරා සංදේශ කාව්‍යයේ එක කවකි.මෙයට අනුව ‘රාවණා’කතා ප‍්‍රවෘත්තිය මිත්‍යාදෘෂ්ටිකයන්ගේ අදහසකි.එනම් රාම-රාවණා යුද්ධය බේගලකි.එය කිසිවෙකු කිසි කලක මතු නොකළ යුත්තකි.එය එසේමද?එසේ නැතහොත් බෙංගාලි චරිතයක් ඔස්සේ ඉන්දීය ආධිපත්‍යයට එරෙහි වූ මතවාදය යටපත් කිරීමට දැරූ ප‍්‍රයත්නයක්ද?
නාසා ආයතනයේ නිල වෙබ් අඩවියට අනුව රාම-රාවණා යුද්ධයේදී තනන ලදැයි කියැවෙන ආදම්ගේ පාලම මානව නිර්මාණයකි.එය ස්භාවික ගල් පවුරක් නොවන බව විද්‍යානුකූලව තහවුරු කර ඇත.එහෙත් එය රාම-රාවණා යුද්ධයේදී ඉදිකළ බවට තහවුරුවක් ලබාගත නොහැකි විය.
රාවණා යුද්ධයේදී එක් කරුණක් විද්‍යාත්මකව පිළිගැනේද?අනෙක් අතට රාම-රාවණා යුද්ධ විග‍්‍රහ කරමින් ලියූ ‘ජානකීහරණය’ලංකාවෙන් පිටුවහල් කර ඇත.අතීත කාලයේදී සිංහලයෙකු අතින් ලියවුණ ශ්‍රේෂ්ඨතම සංස්කෘත කාව්‍ය ලෙස ජානකීහරණය සැලකෙයි.එය මෙරට බෞද්ධ ආරාම වල දක්නට නොලැබීම විශ්මයකි.එහෙත් මෙම කාව්‍යයේ මලයාලි පරිවර්තනයක් දකුණු ඉන්දියාවේ මලබාර් ප‍්‍රදේශයෙන් සොයා ගැනීමට හැකි විය.ඒ සමගම ජානකීහරණය ගැන සංවාදය ආරම්භ විය.ජානකී යනු සීතාය.‘ජානකීහරණය’ යනු ‘සීතා පැහැරගැනීම’ය.ග‍්‍රන්ථයේ සදහන් වන අන්දමට එහි කතුවරයා කුමාරදාස නැමති රාජවංශිකයෙකි.ඒ අනුව එම කතුවරයා ලාංකිකයෙකු බවට පිළිගත හැකිය.මෙවිට අමතරව වාල්මිකී හා කම්බන්ද ‘රාමායණය’ මගින් රාම-රාවණා යුද්ධය පිළිබදව ලියා ඇත.
මේ සියලූ ලේඛන ප‍්‍රබන්ධ ගණයට තල්ලූ කෙරෙයි.එහෙත් ගෝමර් ලියූ ‘ඉලියඞ් හා ඔඩිසි’ඉතිහාසය සැබෑ ලෙස දක්වන වීර කාව්‍යක් බවට පිළිගනියි.මෙම මහා කාව්‍ය ද්විත්වය එකම කවියෙකුගේ නිර්මාණද යන සැකය මතු කරන තරමටම පසුකාලීනව ඒවා විකෘති කර ඇත.එහෙත් අදත් ග‍්‍රීක ශිෂ්ටාචාරයේ සම්භවය ගැන කතා කරන්නෙකු ඉලියඞ් හා ඔඩිසි අමතක කරන්නේ නැත.රාමායණය හා ජානකීහරණයට වෙනම හැන්දකින් බෙදීමට තුඩුදුන් කරුණු කවරේද?
රාමායණය ලියවුණු කාලය පිළිබදවද විවිධ මතවාද ඇත.ඇතැමෙක් එය කි‍්‍ර.පූ 6000-5000ත් අතර පළවූ බව කියති.මහාචාර්ය විජය දිසානායක පවසන අන්දමට රාමායණය බිහිව ඇත්තේ කි‍්‍ර.පූ 867102 වැනි වර්ෂයේය.එනම් තෙත යුගයේදීය.රාමගේ සමකාලීන තැනැත්තෙකු විසින් රාමායණය මුල්වරට ලියූ බවට එක් මතයකි.තවත් මතයකට අනුව එය කි‍්‍ර.පූ 2000-1500 අතර යුගයේදී බිහි වූ වීර කාව්‍යක් බව කියවෙයි.
රාමායණයේ සදහන් ප‍්‍රධාන වීරයකු වන්නේ දශරථ රජුගේ පුත් රාමයන්ය.ඔහු මිතිලා නුවර අගනුවර කරගත් විදේශ රාජ්‍යයේ ජනක රජුගේ දියණිය වූ සීතාවන් තම බිසව කොට ගත්තේය.දැනට නේපාල දේශසීමාවේ පිහිටි කුඩා නගරයක් වූ ජනකපුරය රාමායණයේ සදහන් මෙම නගරය බව කනිංහැම් නැමති පුරාවිද්‍යාඥයා සදහන් කර ඇත.
මෙයට වෙනස් මතයක් දක්වන ආචාර්ය මිරැන්ඩෝ ඔබේසේකර රාම යනු පිටසක්වල ජීවියෙකු බවට සැකයක් පවතින බව දක්වයි.ඔහු එම මතයට පැමිණීමට පාදක වී ඇත්තේ රාම පිළිබදව ඇති අල්ප තොරතුරු සමුදායයි.
රාමායණයේද,ඉන්පසු පළ වූ වෙනත් කෘතිවලද රාවණ හදුන්වා ඇත්තේ යක්ෂ නායකයෙකු ලෙසය.මහාවංශය දක්වන්නේද විජය ලංකාවට පැමිණීමට පෙර මෙරට යක්ෂයන් සිටි බවයි.මෙම යක්ෂයන් කුමන වර්ගයකදැයි අපට ඇතිවන්නේ ව්‍යාකූල තත්ත්වයකි.රාමායණයේම තවත් තැනක මෙම යක්ෂ නායකයන්ගේ මන්දිරය වූයේ ති‍්‍රකූට මස්තකයේ බව සදහන් කරයි.මෙතරම් බලසම්පන්න ශිෂ්ටාචාරයක් පරාජය කිරීමට නොහැකි වේ යැයි ‘රාවණාගේ ලංකාපුරය’ දකින හනුමාන් විශ්මිත වන විස්තරයක්ද රාමායණයේ අන්තර්ගත වේ.
රාමායණයේ සදහන් වන රාවණාගේ මෙම මාලිගාව සීගිරිය යැයි සැක සිතීමට බොහෝ කරුණු ඇත.මේ වනවිට අනාවරණය කරගෙන ඇති බිතුසිතුවම්ද කි‍්‍ර.පූ පළමු සියවසට වඩා පැරණි බව විද්වත්හු පවසති.දැනට සීගිරියේ අප දකින ලලනා රූප වලට යටින් සිතුවම් ස්ථර තුනක් පමණ ඇතැයි පුරාවිද්‍යාඥයෝ පවසති.
මෙම මතය තහවුරු කර ගැනීමට ජනශ‍්‍රැතියද උපස්ථම්භක වේ.පහත දැක්වෙන්නේ එබදු ජන කවියකි.
ප‍්‍රශ්නය
සීගිරි ගලේ විල සැදුවේ කවුරුන්දෝ
සීගිරි ගලේ රූ ඇන්දේ කවුරුන්දෝ
සීගිරි රුවෙන් දිස්වන්නේ කවුරුන්දෝ
මෙතුන් පදේ විසදන්නේ කවුරුන්දෝ
පිළිතුර
සීගිරි ගලේ රාවණ දෙවි විල සැදුවා
සීගිරි ගලේ විස්කම් සිත්තම් කෙරුවා
සීගිරි රුවෙන් මන්දෝදරි දිස්වෙනවා
මෙතුන් පදේ නිසි ලෙස මා විසදනවා
තවදුරටත් රාම රාවණා යුද්ධයෙන් පසු සුනාමි තත්ත්වයක් ඇති වූ බවට විද්වත් මතයක් පවතී.මෙහිදී න්‍යෂ්ටික අවි භාවිත කිරීම නිසා මුහුද ගොඩගැලීම ඇති වූ බවට ඇතැම්හු කියති.මධ්‍යකාලීන සිංහල කෘතියක් වන රාජාවලියේද එයට සමාන අදහසක් පළකර ඇත.එයට අනුව ‘පුරාණයේදී තූත්තුකුඩිය හා ලංකාව අතර භූමිය එය පාලනය කළ රාවණාගේ අධර්මිෂ්ටභාවය නිසා එහි වූ මහා බළකොටුවක්,මාළිගා විසිපහක්,විසිහාර ලක්ෂයක් ඇතුළු ඔහුගේ රාජ්‍ය මුහුද විසින් ගිලගනු ලැබීය.’
ද්‍රවිඩ මහා කාව්‍යක් වන සීලප්පදිකාමේ ග‍්‍රන්ථයේද දක්වන්නේ රාවණාගේ අධර්මිෂ්ට පාලනය නිසා ඉන්දියාව හා ශ්රී ලංකාව වෙනස් වූ බවයි.
එසේම ඇතැමෙක් රාවණා දක්ෂ වෛද්‍යවරයෙකු ලෙස කරුණු දක්වයි.සංස්කෘත භාෂාවෙන් ප‍්‍රකට ආයුර්වේද ග‍්‍රන්ථ රචනා කළ තැනැත්තා රාවණා බවද ඔවූහු සදහන් කරති.ලාදුරු රෝගය ඇතුළු රෝග රැුසකට ඖෂධ නියම කිරීමේ අත්පොතක් ලෙස ‘අර්ක ප‍්‍රකාශය’ රාවණා විසින් රචනා කරන ලද්දකැයි පැවසෙයි.එයට අමතරව කුමාර තන්ත‍්‍රය,නාමි ප‍්‍රකාශය යන ආයුර්වේද ග‍්‍රන්ථද රාවණයන්ගේ කෘතීන් බව පිළිගැනෙයි.ඒ බව තහවුරු කරන විද්‍යාර්ථින් අර්ක ප‍්‍රකාශයේ අවසන් පරිච්ඡේද උපුටා දක්වති.එහි දැක්වෙන්නේ ලංකාධිපති රාවණා විසින් ප‍්‍රබන්ධ කරන ලද සර්ග සියයක් මෙයින් නිමැවෙන බවයි.මේ අනුව අර්ක ප‍්‍රකාශය එවක ආයුර්වේද වෛද්‍යවරුන්ගේ කෝෂ ග‍්‍රන්ථයක් විනැයි සැලකිය හැකිය.එය එක් එක් අයගේ පර්යේෂණ පති‍්‍රකා ඇතුළත් සාර සංග‍්‍රහයක් බ`දුය.රාවණා රජු ඉන් සර්ග සියයක් හෙවත් පර්යේෂණ පති‍්‍රකා සියයක් ඉදිරිපත් කර ඇත.
එය තහවුරු කරන්නේ ධන්වන්තරීගේ ප‍්‍රධානත්වයෙන් පුලස්ති,නාරද හා අසිත යන මුනිවරුන්ගේ සහාය ඇතිව පැවැත්වූ ආයුර්වේද සම්මන්ත‍්‍රණයට රාවණා සහභාගී වූ බව ආයුර්වේද වෛද්‍යවරුන් අතරේ පවතින පිළිගැනීම නිසාය.‘මෝහන ප‍්‍රතිකාරය’හා ‘උද්දීශ ග‍්‍රන්ථය’රාවණා විසින් රචනා කරන ලද්දේ මෙම සමුළුවේදී කරන ලද ඉල්ලීමක් වශයෙන් යැයිද පිළිගැනෙයි.
රාවණා වීණාව නැමති සංගීත භාණ්ඩයක් විසින් සකස්කරන ලද බව පිළිගැනෙයි.මෙය ලොව ප‍්‍රථම වයලීනය විය හැකි බව සංගීතවේදී දිනේෂ් සුබසිංහ සදහන් කරයි.ඔහු මෙම රාවණා වීණාවේ අනුරුවක් තැනීමට උත්සාහ දැරූ අයෙකි.
රාවණා හිතලූවක් යැයි කියන විදග්ධයෝද වෙති.ඔවූහු රාවණා මතවාදය පිළිකෙව් කරන්නේ මහා විහාරික ගුරු කුලයේ බලපෑම නිසාද?
කෙසේ වෙතත් රාවණා යක්ෂ පරපුරක නායකයා යැයි සදහන් කිරීමේ වෙනත් අරුතක් පවතින බවද කියැවේ.එනම් ‘යක්ඛ’ යන පදයෙන් වන්දනීය හෝ වැදුම් ලැබීමට සුදුසු යන අරුතක් ගැබ්ව ඇත.බුදුන් වහන්සේද තමන් වහන්සේ යක්ඛ යන පදයෙන් හැ`දින්වීය හැකි බව දක්වා ඇත.
සංයුක්ත නිකායේ දුතියා සක්ක නමස්සන සූත‍්‍රයේදී බුදුරජාණන් වහන්සේ තමන් වහන්සේ ‘යක්ඛ’ යන පදයෙන් හදුන්වා ඇත.ඒ අරුත අනුව රාවණා යක්ඛ සේනාධිපති යනුවෙන් හැදින්වූයේ ඇයි?
